„Ég er gríðarlega ánægður með liðið, framlagið, baráttuna og viljann til að vinna leikinn," sagði Jón Sveinsson, þjálfari Fram, eftir 1-0 sigur á Leikni Reykjavík í toppslag Lengjudeildarinnar.
Lestu um leikinn: Leiknir R. 0 - 1 Fram
„Mér fannst við heilt yfir vera betra liðið að mestu leyti og mér fannst við eiga sigurinn fyllilega skilið."
Hvað var það sem skóp þennan sigur?
„Vinna, barátta og gott skipulag. Við gáfum engin færi á okkur og vorum kannski bara klaufar að nýta ekki betur færin og stöðurnar sem við fengum til að bæta við."
Fram er á toppnum með fimm stiga forskot og útlitið er gott fyrir félagið sem féll úr efstu deild 2014.
„Við erum á toppnum og njótum þess. Það er mikið eftir af þessu," sagði Jón.
Athugasemdir