Þetta er í 36. sinn sem að yngstu og efnilegustu knattspyrnustelpur af landinu öllu mæta til leiks á Símamótið, með leikgleðina í fararbroddi og sína listir sínar í þeirri frábæru aðstöðu sem að Breiðablik hefur upp á að bjóða.
Sökum aðstæðna í samfélaginu hefur skipulagning knattspyrnuveislu af þessari stærðargráðu eflaust aldrei verið flóknari. Við hvetjum aðstandendur og stuðningsfólk keppenda tl að fylgja reglum Símamótsins og munum að hreinlæti og sótthreinsun er besta vörnin. Starfsfólk Breiðabliks og fjöldi sjálfboðaliða sem láta allt ganga upp eiga mikið hrós skilið fyrir frábært og óeigingjarnt starf sem mun vonandi skapa ógleymanlegar minningar hjá keppendum öllum.
Um 2400 knattspyrnustelpur mæta nú í ár, margar að stíga sín fyrstu skref og ekki útilokað að framtíðar leikmenn kvennalandsliðsins muni sýna hvað í þeim býr og gera sitt besta innan vallar. Því skiptir máli að aðstandendur skapi jákvæða stemmningu utan vallar, bæði þegar vel gengur og ekki síður þegar á móti blæs.
Sjónvarp Símans mun sýna fjölmarga leiki í beinni útsendingu, fleiri en nokkru sinni fyrr sökum aðstæðna í samfélaginu. Þannig ætti stuðningsfólk að geta fylgst með sínu liði úr fjarlægð og keppendur að geta séð sig á stóra skjánum að móti loknu í sjónvarpsþjónustu Símans.
Beinar útsendingar verða á Síminn Sport í opinni dagskrá.
5. flokkur (Síminn Sport 2)
Fös 07:50 – 17:00
Lau 07:50 – 17:00
Sun 07:50 – 15:30
6. flokkur (Síminn Sport 3)
Fös 08:20 – 17:00
Lau 08:20 – 17:00
Sun 07:50 – 14:00
7. Flokkur (Síminn Sport 4)
Fös 08:50 – 17:00
Lau 08:50 – 17:00
Sun 08:25 – 14:00
Athugasemdir
