„Alltaf fúll með að tapa, það er ekki spurning. Mér fannst við koma nokkuð gíraðir inn í leikinn og mér fannst við svolítið ofan á fyrstu fimmtán og svo kom stopp í einhverjar fimm mínútur og þá fannst mér leikurinn svolítið jafnast." sagði Aðalsteinn Jóhann Friðriksson þjálfari Völsungs eftir 3-1 tapið gegn Leikni Reykjavík í Lengjudeildinni í dag.
Lestu um leikinn: Leiknir R. 3 - 1 Völsungur
„Ég held það hafi verið um miðjan síðari hálfleikinn sem við komumst yfir og mér fannst við bara seigir að koma okkur í góðar stöður, mjög gott mark og eftir að þeir jafna og ég held að það hafi verið í 1-1 frekar en 2-1 þá fær Elfar Árni (Aðalsteinsson) gott færi eftir svipaða sókn og ef og hefði og sá og mundi og allt það og þetta var bara svona."
Leiknir Reykjavík voru með meira orkustig síðustu tuttugu mínútur leiksins. Völsungur eru nýkomnir úr erfiðum leik gegn Þór og liðið ferðaðist liðið í rútum í þennan leik hér í dag.
„Það getur örugglega verið margt til í því. Þetta er sjötti útileikurinn okkar af fyrstu sjö leikjunum hjá okkur og kannski spilast það kannski eitthvð inn í, við erum að ferðst mikið en ekkert væl, þetta eru bara tvö lið að keppa og þeir voru voru aðeins orkumeiri hérna á síðustu mínutunum og við verðum bara að skoða það hvort við hefðum átt að bregðast fyrr við á bekknum."
