Fjarðabyggð/Höttur/Huginn sigraði úrslitakeppni 2. deildar kvenna í kvöld eftir maraþon leik gegn Fjölni í Boganum á Akureyri í kvöld.
Björgvin Karl Gunnarsson þjálfari liðsins var að vonum hress eftir leikinn.
„Tilfinningin er bara mjög góð. Gott að vera með þessar stelpur og þær eru búnar að standa sig alveg virkilega vel og ég er mjög stoltur af þeim."
Liðið var í 1. sæti í deildinni þannig það mátti gera ráð fyrir því að Björgvin sé ánægður með sumarið í heild.
„Það er búið að vera mjög gott. Við vorum frábærar í deildinni og búnar að vera mjög góðar í úrslitakeppninni þannig að við getum ekki kvartað yfir neinu."
„Fyrir utan þegar þær fóru að týnast í meiðsli undir restina eins og gengur og gerist en þá voru leikmenn sem voru tilbúnar að stíga upp og koma inná."
Liðið ætlar að halda sér uppi í Lengjudeildinni á næstu leiktíð.
„Við höfum sýnt það að við höfum tekið ansi mörg skref á þessum þremur árum sem ég er búinn að vera hérna og Lengjudeildin er mjög sterk og við ætlum að mæta þangað og vera með lið klárt í Lengjudeildina en markmiðið verður að halda sér uppi en við eigum okkur drauma markmið en þau eru til langstíma."
Fjarðabyggð/Höttur/Leiknir tileinkaði sigurinn Sonju Björk Jóhannsdóttur leikmanni liðsins sem missti föður sinn í gær.
Athugasemdir
