FH vann lífsnauðsynlegan 4-2 sigur á Leikni í botnbaráttuslag í Bestu deild karla í gær. Matthías Vilhjálmsson skoraði þrennu fyrir FH og átti stóran þátt í því að FH landaði sigri og kom sér úr fallsæti í deildinni.

Fyrsta markið skoraði Matthías úr vítaspyrnu sem hann fiskaði sjálfur, annað markið kom eftir fyrirgjöf frá Oliver Heiðarssyni og þrennan var innsigluð eftir frábæran undirbúning frá Kristni Frey Sigurðssyni.

Matthías er leikmaður 24. umferðar í boði Steypustöðvarinnar.