Skagamenn kláruðu leik sinn við Gróttuna á Seltjarnarnesi með þremur mörkum á fyrstu 18 mínútunum. Þjálfari þeirra var að sjálfsögðu sáttur með það!
"Við komum grimmir inn í þennan leik. Við vildum stýra og stjórna leiknum og náum að skora snemma. Sköpum okkur svo fín færi til að skora enn fleiri mörk í fyrri hálfleiknum. Þar náum við yfirhöndinni og í seinni hálfleik sigldum við þessu þokkalega heim".
"Við komum grimmir inn í þennan leik. Við vildum stýra og stjórna leiknum og náum að skora snemma. Sköpum okkur svo fín færi til að skora enn fleiri mörk í fyrri hálfleiknum. Þar náum við yfirhöndinni og í seinni hálfleik sigldum við þessu þokkalega heim".
Lestu um leikinn: Grótta 0 - 4 ÍA
"Strákarnir sem eru frammi eru fljótir og teknískir og við erum búnir að sýna það að við getum opnað hvaða lið sem er í þessari deild. Ég er líka virkilega ánægður með það að við héldum hreinu því það er líka ánægjuefni".
Skaginn lyfti sér með sigrinum upp í 2.sætið í dag, eru menn að stilla markmiðin á toppbaráttuna.
"Við höfum trú á því að við getum unnið hvaða lið sem er í þessari deild en þá þurfum við að spila okkar leik bæði varnar- og sóknarlega. Við erum að reyna að spila hærra á vellinum og pressa og það er að ganga ágætlega hjá okkur."
Í leikmannahópi ÍA er nú mikið af ungum uppöldum strákum.
"Það koma ungir strákar inn í byrjunarliðið í dag og nýta tækifærið sitt virkilega vel. Það eru ungir strákar á bekknum og breiddin okkar byggir á þessu, það er stefnan okkar og við ætlum að fylgja henni eftir".
Nánar er rætt við Jóa Kalla í viðtalinu sem fylgir.
Athugasemdir