Leverkusen komst yfir eftir sjö mínútur, en eftir rúman hálftíma jafnaði Duisburg, 1-1. Duisburg komst svo yfir þegar fimm mínútur voru eftir af fyrri hálfleiknum.

Það var ekkert skorað í seinni hálfleiknum og niðurstaðan því 2-1 sigur Duisburg.

Duisburg hafði tapað öllum leikjum sínum í þýsku úrvalsdeildinni fyrir leikinn í dag. Þær eru núna með þrjú stig eftir sex leiki. Leverkusen er í áttunda sæti með sex stig.

Á toppnum í Þýskalandi er Wolfsburg með fullt hús stiga. Sara Björk Gunnarsdóttir skoraði tvennu fyrir Wolfsburg á föstudaginn.