Fótbolti.net

Donni: Ég er gráti næst

„Segja mjög heimskulega hluti við mann sem er með öðruvísi húðlit en þeir"

„Þetta er ekki eins og skautahlaup, það eru enginn stig fyrir stíl"

Gunnar Már: Máttum bara ekki tapa þessum leik

Jón Óli: Skítum svo upp á bak í næsta leik

Frosti: Heiðar var að pæla fyrir leik hvernig ég ætlaði að útfæra þessi skæri

Bjarni: Þú verður að ráða sagnfræðing í það

Alli Jói: Það getur örugglega verið margt til í því

„Sérstakt að það væri í lagi að hann fái höfuðhögg en ekki í hina áttina"

„Kærkomið að snúa þessu við og sýna stuðningsmönnum okkar að við erum á réttu róli"

Siggi talar um líkamsárás: Erum að slá heimsmet í meiðslum

Hemmi Hreiðars: Við erum með leikinn í höndum okkar

Halli Hróðmars: Stærra en fólk gerir sér almennt grein fyrir

Sverrir Ingi: Meistaradeildin, komast á HM og grískt brúðkaup á dagskrá

Arnór Ingvi: Erum að taka inn fullt af upplýsingum

Dagur Dan: Ég skoraði gegn besta leikmanni allra tíma

Caroline Murray: Ég mun sakna þeirra mikið

Óli Kristjáns: Varð fljótlega ljóst að það var spenna hérna í kring um bekkina

Jóhann Kristinn: Fáir sem velta þessu fyrir sér að einhverju viti

Murielle: Fínt að við einar setjum pressu á okkur

mið 14. ágúst 2024 22:37

Brynjar Ingi Erluson

Lygileg endurkoma í Eyjum - „Kannski ekki hugmyndafræðin sem við vinnum eftir“

Árni Freyr Guðnason

Mynd: Fótbolti.net - Hafliði Breiðfjörð

Vilhelm Þráinn varði víti í uppbótartíma

Mynd: Fótbolti.net - Hafliði Breiðfjörð

„Þetta var lygilegt. 2-0 undir, manni færri, komum til baka og verjum víti í lokin. Þetta var gott stig,“ sagði Árni Freyr Guðnason, þjálfari ÍR, eftir magnaða endurkomu í 2-2 jafnteflinu gegn ÍBV í Lengjudeildinni í kvöld.

Lestu um leikinn: ÍBV 2 - 2 ÍR

ÍR-ingar voru komnir í slæm mál eftir rúman klukkutíma. Eyjamenn voru komnir i 2-0 og búið að reka Jordian G S Farahani af velli.

En eins og Árni kom inn á í víðtalinu þá gefast ÍR-ingar aldrei upp. Óliver Elís Hlynsson minnkaði muninn úr víti og þá jafnaði Marc McAusland metin seint í leiknum.

Undir lok leiks fengu Eyjamenn vítaspyrnu sem Vilhelm Þráinn Sigurjónsson varði og bjargaði þar með stigi fyrir ÍR-inga.

„Við vorum ekki góðir í fyrri hálfleik og eitthvað sem við Jói getum tekið á okkur, hvernig við lögðum upp. Þetta virkaði ekki neitt og breytum aðeins í hálfleik. Mér fannst við komast aðeins betur inn í þetta í byrjun seinni en þá fáum við rautt spjald og þá var þetta orðið erfitt. Við misstum aldrei trúna og gefumst aldrei upp, þannig mikill karakter að ná í þetta stig.“

„Ég var ekkert rosalega bjartsýnn en við erum búnir að reyna að troða í hausinn á mönnum að við getum unnið alla. Við þurftum að fara í leik sem hentar ekkert brjálæðislega vel að taka langar aukaspyrnar frá miðjunni og inn í teig. Við fengum vítaspyrnu úr því þá kemur auka kraftur og þeir verða stressaðir að vera missa niður forystuna. Þetta er kannski ekki hugmyndafræðin sem við vinnum eftir en hún virkaði í dag. Við gefumst aldrei upp og það er jákvætt.“

Vilhelm Þráinn Sigurjónsson, markvörður ÍR, varði vítaspyrnu seint í uppbótartíma frá Sverri Hjaltested. Árni hafði allan tímann trú á því að hann myndi verja vítaspyrnuna.

„Mér fannst þetta ekki vera víti en ég held að þeir hafi átt að fá víti í sókninni á undan. Hann dæmdi það og þannig er það, en geggjað hjá Villa að verja þetta. Ég hafði alveg trú á að hann myndi verja þetta og hann er búinn að taka eitt annað í sumar þannig mikið hrós á hann,“ sagði hann ennfremur.