Í kvöld áttust við Víkingur og Breiðablik í hörkuleik í 4. umferð Pepsi-Max deildarinnar þar sem leikar enduðu 3-0 fyrir Víkingum. Mörk Víkinga skoruðu Pablo Punyed, Júlíus Magnússon og Kwame Quee.

Lestu um leikinn: Víkingur R. 3 -  0 Breiðablik

„Góður fyrri hálfleikur en smá brösóttur seinni hálfleikur þar sem við hefðum getað stjórnað leiknum aðeins meira en bara geggjaður sigur og heilt yfir geggjuð frammistaða hjá öllum," sagði einn af markaskorurum Víkinga, Júlíus, í viðtali eftir leik.

Finnur Júlíus mikinn mun á liði Víkinga frá síðustu leiktíð?

„Þetta er eiginlega allt sami mannskapur en bara aðrar áherslur. Það eru kannski bara jákvæðar breytingar og jákvæðar framfarir frá öllum, bara þroskaðara lið. Þú þarft kannski eitt season þar sem þú færð kannski ekki beint skell en smá í bakið en við erum bara komnir sterkari til baka myndi ég segja."

Júlíus er núna búinn að skora tvo leiki í röð en er kannski ekki þekktasti markaskorarinn í liði Víkinga.

„Nei þetta er kannski smá öðruvísi en síðustu tvö árin en bara gaman að fá sénsinn að koma inn í og gaman að geta nýtt það svona vel," sagði Júlíus léttur.

Viðtalið má sjá í heild sinni hér fyrir ofan.

Tweet

Senda a Facebook Hafdu samband Senda frétt Prenta frétt Frétta leit