Fótbolti.net

Glódís: Mér fannst allir vera að skila sínu 120%

Sævar var hræddur eftir höggið: Sem betur fer gerðist ekkert

Vildi breyta til og skora á sjálfan sig - „Fannst þetta rétt skref"

Arnór Sig: Höfum haft heilt ár til að undirbúa okkur

Rúnar Alex: Verðlaun fyrir alla þessa vinnu sem ég hef lagt á mig

Hákon Arnar: Mest frá vinum sem eru að plata mig í eitthvað rugl

Sjáðu allt það helsta úr dramatískum sigri Manchester United

Arnar Grétars: Ástæðan fyrir því að við erum ekki að fá á okkur mörk

„Mér líður samt eins og við höfum tapað frekar en að Valur hafi unnið"

Hanskarnir ekki lengst upp á hillu - „Kom strax til baka því ég elska Ísland"

Arnar segir Albert ekki hafa viljað vera á bekknum

Ánægður að hafa farið til Eyja - „Kom mér á óvart hvað það er haldið vel utan um þetta"

„Margt sem við þurfum að vinna í"

Óliver Steinar: Addi sannfærði mig um að koma í Val

Ómar Ingi: Verðum að gera betur ef þessi staða kemur upp

Davíð Smári: Lítum á þetta sem góða æfingu við toppaðstæður

Hemmi Hreiðars: Erum á töluvert betri stað en fyrir ári

Hlynur Freyr: Rétta skrefið að koma heim í meistaraflokksbolta

Varð að fara frá Sviss - Ísland besti kosturinn og leist best á KR

TM-Mót Stjörnunnar 2023

fös 16. desember 2022 16:34

@saebjornth

Sæbjörn Þór Þórbergsson Steinke

Aron Jóhannsson: Um leið og hann hringdi var þetta aldrei spurning

Aron Jóhannsson

Mynd: Fótbolti.net - Hafliði Breiðfjörð

Jón Sveinsson - Nonni.

Mynd: Fótbolti.net - Hafliði Breiðfjörð

„Þeir höfðu samband, sýndu mér mikinn áhuga og ég hafði sömuleiðis mikinn áhuga á að ganga til liðs við þeirra," sagði Aron Jóhannsson sem skrifaði undir hjá Fram í lok síðasta mánaðar.

Aron er uppalinn í Haukum en hefur frá árinu 2018 verið í Grindavík.

„Leikstíll liðsins heillar alveg klárlega, mikill og góður sóknarbolti sem ég tel að henti mínum eiginleikum. Nonni þekkir mig ágætlega sem leikmann og um leið og hann hringdi þá var þetta aldrei spurning."

Aron segir að Fram hafi áður sýnt honum áhuga en ekkert hafi orðið úr því á sínum tíma. Hann segir að fleiri félög hafi sýnt sér áhuga. Skiptir það miklu máli í þessari ákvörðun að Fram er í efstu deild?

„Það spilar að sjálfsögðu inn í og skemmir ekki fyrri en ef ég á að súmmera þetta upp er það leikstíll liðsins."

„Ég var búinn að hugsa það í smá tíma að það væri mögulega kominn tími á að spila í efstu deild. Um leið og tímabilið kláraðist þá ákvað ég að taka því rólega, leyfa hlutunum að gerast og ekkert vera flýta mér í að taka neinar ákvarðanir. Síðan endaði þetta svona."

Aron lék einn leik í efstu deild 2010 og var svo með Grindavík í efstu deild tímabilin 2018 og 2019. Frá þeim tímapunkti hefur Grindavík verið í næstefstu deild. Hjá Haukum var hann í sex tímabil í næstefstu deild. Finnst Aroni hann hafa verið of lengi í næstefstu deild?

„Í heildina hef ég kannski spilað alltof mörg tímabil í 1. deild, en ég veit ekki hvað alltof mörg tímabil í 1. deild eru."

Eftir að leikmenn á borð við Óskar Örn Hauksson og Einar Karl Ingvarsson voru orðaðir við Grindavík, kom þá aldrei upp hugsunin að taka eitt ár í viðbót í Grindavík?

„Jú jú að sjálfsögðu, þetta lítur rosalega vel út núna hjá þeim. Komin stór og sömuleiðis skemmtileg nöfn inn í þetta, verða örugglega fleiri. Það kom alveg til greina, ég var aldrei að útiloka neitt í þessu, en leikstílinn hjá Fram og að spila í efstu deild heillaði."

Hjá Fram hittir Aron fyrir þá Guðmund Magnússon og Tiago sem léku með honum hjá Grindavík. „Ég heyrði í þeim og spurði þá aðeins út í þetta og það var ekkert nema gott að segja hjá þeim." Hann hittir þá fyrir Gunnar Gunnarsson en þeir léku saman hjá Haukum.

Er Aron með eitthvað markmið fyrir komandi tímabil?

„Nei, á kannski eftir að leggjast yfir það. Ég þarf að koma mér inn í hlutina, sjá hvernig landið liggur og hvaða markmið maður getur sett sér. Markmiðið verður klárlega að spila sem flestar mínútur og standa mig vel," sagði Aron.

Í viðtalinu ræðir hann meira um sjálfan sig, Grindavík og Fram. Hægt er að sjá viðtalið í heild sinni í spilaranum að ofan.

Athugasemdir

Nýjustu fréttirnar