| lau 18.apr 2020 19:00 Mynd: Fótbolti.net - Hafliði Breiðfjörð |
|
Danijel: Stefni mjög hátt og mun gera allt til að ná þangað
Danijel Dejan Djuric byrjaði í yngri flokkunum hjá Hvöt en fjölskyldan flutti í Kópavoginn þegar bræðurnir Danijel og Nikola voru í kringum tíu ára aldurinn. Faðir þeirra, Dejan, lék með Hvöt og Tindastóli á árunum 2005-2008.
Danijel var fjórtán ára þegar hann kom fyrst inn á æfingar hjá meistaraflokki Breiðabliks og árið 2018 lék hann með liðinu í Fótbolta.net mótinu. Seinna það ár fóru hann og bróðir hans til Midtjylland og spilar Danijel þar með U17 ára liði félagsins. Ferill Danijels er rétt að byrja og stefnir hann hátt. Fótbolti.net hafði samband við hann og ræddi um ferilinn til þessa.
Hann heldur mér mjög mikið á jörðinni, ef ég byrja að fara pínu hátt upp þá er hann fyrstur til að rífa mig niður. (Mynd af Dejan Djuric ásamt Arnari Skúla Atlasyni og Ingva Hrannari Ómarssyni)
Það hjálpar og hjálpaði mjög mikið að hafa bróðir minn alltaf mér við hlið og þá sérstaklega vegna keppnisskapsins sem við erum báðir með. Við keppumst um allt sama hvað það er, snýst allt um að vera betri en hinn.
Ég fæ mjög margar spurningar um hvort ég væri búinn að slá metið. Í úrslitaleiknum skoraði ég svo tvö mörk og var þá tilkynnt að ég hefði slegið metið sem Kolbeinn Sigþórsson átti.
Það truflar mig þó ekki mjög mikið, ég stefndi alltaf lengra en að spila á Íslandi. Breiðablik gerði mjög mikið fyrir mig og þakka ég félaginu fyrir það.
Þetta hefur verið mjög lærdómsríkur tími og ég hef vaxið mjög mikið í þessu frábæra umhverfi. Hér er allt til alls til að verða betri fótboltamaður og tækifæri til að bæta sig á hverjum degi.
Mitt markmið er að komast inn í aðalliðið og í framhaldinu til ennþá stærra félags.
Ég held mér þó á jörðinni og ætla að byrja á að ná litlu markmiðunum fyrst og reyni að bæta mig á hverri æfingu og í hverjum leik. Ég stefni mjög hátt og mun gera allt til að komast þangað.
Ég lærði helling í hverjum einasta leik. Að vera markahæstur og besti sóknarmaðurinn var ánægjulegt fyrir mig og fjölskyldan var ánægð fyrir mína hönd.
„Ég er með mjög stórt hjarta inni á vellinum og geri allt til þess að vinna leiki."
Fótboltafjölskylda á Blönduósi
Fyrsta spurningin á Danijel sneri að komu fjölskyldu hans til Íslands. Hvar voru fyrstu skrefin á ferlinum?
„Við fjölskyldan fluttum til Íslands þegar ég var bara tveggja ára gamall. Pabbi var fenginn til að spila á Blönduósi með Hvöt," sagði Danijel við Fótbolta.net.
„Ég spilaði með Hvöt þar til ég var níu ára og þá flutti ég í Kópavoginn vegna þess að foreldar mínu sáu strax að aðstaðan til fótboltaiðkunnar var betri annars staðar og því fluttum við í Kópavoginn svo hægt væri að æfa við bestu aðstöðu á landinu."
Nikola er tveimur árum eldri en Danijel. Hvernig var að hafa hann alltaf nálægt þegar kom að fótboltanum?
„Það hjálpar og hjálpaði mjög mikið að hafa bróðir minn alltaf mér við hlið og þá sérstaklega vegna keppnisskapsins sem við erum báðir með. Við keppumst um allt sama hvað það er, snýst allt um að vera betri en hinn."
Markmaskína frá fyrsta degi - Sló met Kolbeins
Djuric fjölskyldan fluttist í Kópavoginn þegar Danijel var níu ára. Hvernig voru fyrstu skrefin í Kópavoginum?
„Ég man eftir því að þremur dögum eftir að ég kom í Breiðablik keppti ég með B-liðinu í mínum flokki. Við unnum leikinn 6-0 og ég skoraði öll mörkin. Þjálfararnir sáu þá að ég ætti ekki að vera í B-liðinu."
„Okkar árgangur í Breiðablik var mjög sigursæll og unnum við öll þau mót sem við kepptum á."
Í hinni hliðinni segir Danijel frá þeirri staðreynd að hann sló markamet Kolbeins Sigþórssonar á N1 mótinu. Vakti það mikla athygli?
„Ég man ekki alveg hversu mörg mörkin voru sem ég skoraði en ég man að eftir leikinn í undanúrslitunum þá erum við Blikarnir á gangi um KA-svæðið og ég fæ mjög margar spurningar um hvort ég væri búinn að slá metið."
„Í úrslitaleiknum skoraði ég svo tvö mörk og var þá tilkynnt að ég hefði slegið metið sem Kolbeinn Sigþórsson átti."
Leikmaður með stórt hjarta eins og pabbi sinn
Áður en við förum út í næsta skref á ferlinum var Danijel spurður hvernig hann myndi lýsa sér sem leikmanni. Svo því sé haldið til haga þá er Danijel réttfættur sóknarmaður.
„Ef ég myndi lýsa mér sjálfum sem leikmanni þá myndi ég segja að ég væri mög fjölhæfur sóknarmaður sem getur leyst allar stöðurnar framarlega á vellinum."
„Ég myndi segja að minn helsti styrkleiki sé hugarfarið mitt og vinnusemin. Mig langar til að ná mínum markmiðum og geri mikið til þess að ná þeim."
„Ég er með mjög stórt hjarta inni á vellinum og geri allt til þess að vinna leiki. Ég er snöggur á fyrstu metrunum og er með hraðar hreyfingar. Mér finnst mjög gaman að taka menn á með gabbhreyfingum og ég veit svo oftast hvar markið er."
Eru einhver líkindi með Danijel og því hvernig pabbi hans var sem leikmaður? Er eitthvað sem Dejan kenndi syni sínum?
„Pabbi var mikill varnarjaxl en ekki sóknarmaður eins og við bræðurnir. Pabbi hefur kennt mér mikið innan vallar og hann spilaði alltaf með stórt hjarta inni á vellinum og ég fæ það frá honum."
„Hann heldur mér mjög mikið á jörðinni, ef ég byrja að fara pínu hátt upp þá er hann fyrstur til að rífa mig niður."
„Það truflar mig þó ekki mjög mikið, ég stefndi alltaf lengra en að spila á Íslandi."
Ágúst hafði mikla trú á Danijel
Veturinn fyrir tímabilið 2018 sagði Ágúst Gylfason, þáverandi þjálfari meistaraflokks Breiðabliks, að Danijel gæti spilað það sumarið. Hvernig var fyrir Danijel að heyra Gústa segja þetta?
„Að heyra að Gústi hafði þessa trú á mér að ég gæti komið við sögu í Pepsi var mjög gaman og ánægjulegt. Ég á Gústa mikið að þakka að taka mig, fjórtán ára gutta, inn á meistaraflokksæfingar. Hann gaf mér mínútur í æfingaleikjum."
„Ég var vongóður að ég myndi fá tækifærið í Pepsi-deildinni en það varð ekki. Ég var einu sinni nítjándi maður gegn Pepsi og eftir á eru það eilítil vonbrigði að hafa ekki fengið sénsinn."
„Það truflar mig þó ekki mjög mikið, ég stefndi alltaf lengra en að spila á Íslandi. Breiðablik gerði mjög mikið fyrir mig og þakka ég félaginu fyrir það."
Fóru saman til Midtjylland árið 2018
Danijel ákvað að taka tilboði danska félagsins FC Midtjylland og fór út um mitt sumarið 2018. Höfðu fleiri lið verið að skoða hann?
„Við bræðurnir fórum fyrst til AZ í Hollandi á reynslu og þeir ætluðu að fylgjast betur með okkur í framhaldinu. Við fórum svo tvisvar sinnum til Midtjylland og í kjölfarið semja þeir við okkur báða."
Hvernig hefur tíminn til þessa verið í Danmörku?
„Þetta hefur verið mjög lærdómsríkur tími og ég hef vaxið mjög mikið í þessu frábæra umhverfi. Hér er allt til alls til að verða betri fótboltamaður og tækifæri til að bæta sig á hverjum degi."
„Ég hef spilað með U17 ára liði félagsins og æft með U19. Persónulega hefur mér gengið vel, ég er að gefa mér tíma til að þróast sem leikmaður."
Hver eru markmið Danijels hjá Midtjylland?
„Mitt markmið er að komast inn í aðalliðið og í framhaldinu til ennþá stærra félags. Ég held mér þó á jörðinni og ætla að byrja á að ná litlu markmiðunum fyrst og reyni að bæta mig á hverri æfingu og í hverjum leik. Ég stefni mjög hátt og mun gera allt til að komast þangað."
Markahæstur á móti í Hvíta-Rússlandi
Drengjalandslið Íslands, U17, lék á móti í Hvíta-Rússlandi í janúar. Þar var Danijel markahæsti leikmaður mótsins og valinn besti sóknarmaðurinn. Hvernig var það mót?
„Mótið var mjög skemmtilegt þrátt fyrir að úrslit leikjanna voru ekki þau bestu. Ég lærði helling í hverjum einasta leik. Að vera markahæstur og besti sóknarmaðurinn var ánægjulegt fyrir mig og fjölskyldan var ánægð fyrir mína hönd."
„Þetta gaf mér heilmikla innspýtingu fyrir seinni hluta tímabilsins í Danmörku með Midtjylland."
Stefnt á að hefja æfingar 13. maí
Danijel er þessa stundina á Íslands vegna heimsfaraldsins. Hann var að lokum spurður út ferlið að koma heim.
„Ég fór mjög snemma heim til Íslands eða 12. mars. Það var um leið og Danirnir lokuðu skólum og settu bann á æfingar. Þá var mér hleypt strax heim til Íslands."
„Ég var mjög heppinn að sleppa við tveggja vikna sóttkví. Stefnan er núna að hefja æfingar 13. maí en það er óstaðfest dagsetning," sagði Danijel að lokum.
Sjá einnig:
Hin hliðin - Danijel Djuric (Midtjylland)
Athugasemdir
