FH fékk Val í heimsókn á Kaplakrikavöll í kvöld og unnur 3-2 sigur í hörku spennandi leik. Ólafur Kristjánsson þjálfari FH sagði sigurinn þýðingarmikinn og lagði áherslu á að fagna sigrum.

Lestu um leikinn: FH 3 -  2 Valur

„Þetta er bara þýðingarmikill sigur, ekki neitt sérstaklega eftir Skagaleikinn. Menn eiga að fagna þegar þeir vinna leiki og njóta þess að sjúga karamelluna"

Ólafur var ánægður með leik sinna manna í kvöld og þá sérstaklega að klára hann eftir að Valur jafnaði tvisvar sinnum.

„Ég var ánægður með fyrri hálfleikinn, sérstaklega hvernig við spiluðum boltanum. Við töluðum um það í hálfleik að Valsmenn myndu setja pressu á okkur sem þeir gerðu en við héldum bara áfram að trúa á það sem við erum að gera og settum þessi tvö mörk í seinni hálfleik og náðum að klára leikinn"

Steven Lennon kom inná í annað skipti í sumar og skoraði eitt og lagði upp annað á þeim stutta tíma sem hann spilaði. Ólafur sagði það auðvitað mjög gott að fá þennan frábæra leikmann tilbaka.

„Steven Lennon er frábær fótboltamaður, það er alveg klárt að það hjálpar okkur að fá hann inn. Hann þarf lítinn tíma til að hafa áhrif á leikinn."

STUÐNINGSSVEIT
FÓTBOLTA.NET

Boltinn er að byrja aftur!

Íslenski og enski boltinn byrja aftur í júní.

Enginn fjölmiðill fjallar eins mikið um fótbolta og Fótbolti.net.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit