Í dag var haldinn fréttamannafundur vegna vals á leikmönnum umferða 1-9 í Pepsi-deild kvenna. Fundurinn fór fram í höfuðstöðvum Ölgerðarinnar að Grjóthálsi.
Þar var tilkynnt að Harpa Þorsteinsdóttir, leikmaður Stjörnunnar væri besti leikmaður deildarinnar fyrri hluta sumars. Harpa hefur farið á kostum í liði Stjörnunnar og skorað 16 mörk í níu leikjum.
Þar var tilkynnt að Harpa Þorsteinsdóttir, leikmaður Stjörnunnar væri besti leikmaður deildarinnar fyrri hluta sumars. Harpa hefur farið á kostum í liði Stjörnunnar og skorað 16 mörk í níu leikjum.
,,Þetta kom mér kannski ekki á óvart. Það er hinsvegar margir leikmenn að standa sig vel og þó að ég sé búin að skora flest mörkin þá eru fullt af leikmönnum sem eiga þennan titil alveg skilið," sagði Harpa sem segist vera ánægð með spilamennsku Stjörnuliðsins í sumar, en liðið er á toppi deildarinnar.
,,Ég er mjög ánægð með hvernig tímabilið er að þróast. Margir leikmenn liðsins eru að stíga upp og við erum að stilla okkur enn betur saman," sagði Harpa Þorsteinsdóttir, besti leikmaður fyrri hluta Pepsi-deildar kvenna.
Viðtalið í heild sinni er hægt að sjá í sjónvarpinu hér að ofan.
Athugasemdir
