Fótbolti.net

Ívar Ingimars: Frábært að fá þessa reynslu og máta sig við topplið í Bestu

Systurnar skoruðu báðar: Hún lætur mann stundum heyra það

Óskar Hrafn: Þegar tveir strengir slitna tekur tíma að ná aftur takti við hljómsveitina

Rúnar vildi fá víti: Dómarinn á að sjá þetta betur en ég

Jökull: Enginn fór og henti kuðung í sturtubotninn

Þorri Mar þakklátur Stjörnunni - „Sýnir að það sé ekkert okkar á milli"

Láki: Það var reiðarslag fyrir okkur

Valor fékk að velja undir lok gluggans: Gott að sjá vini mína aftur

Jón Þór: Töpum á öllum sviðum leiksins og ég á enga útskýringu á því

Sá yngsti í sögunni: Fór beint heim, hringdi í alla og lét þau vita

Birkir mjög sáttur á Hlíðarenda: Eignuðumst barn og konan vildi koma suður

Túfa: Sást í augunum á mönnum að menn vildu svara fyrir sig

Lúkas Logi: Þetta er ekkert flókið

Gunnar Már: Jöfnunarmarkið var 100% brot

Halli Hróðmars: Þetta var flókinn dagur

Gunnar Heiðar: Erum á góðri leið með þetta lið

Alli Jói: Ógeðslega lengi út úr rútunni

Aron Snær: Pirrandi að við erum búnir að fá okkur tvö skítamörk

Davíð Smári hrósaði Fatai í hástert - „Gjörsamlega stórkostlegur"

Kallar eftir virðingu frá dómurum - „Vonandi kemur VAR í íslenska boltann sem fyrst"

mið 22. mars 2023 14:16

Elvar Geir Magnússon
München

Hannes sá æfinguna í morgun - „Ber vonandi vott um samheldni"

Arnar Þór Viðarsson og Hannes Þ. Sigurðsson spjalla saman.

Mynd: Fótbolti.net - Hafliði Breiðfjörð

Hannes Þ. Sigurðsson, fyrrum landsliðsmaður Íslands, heilsaði upp á menn á síðustu æfingu landsliðsins í München. Hannes lék fyrir landsliðið 2005-2008 en undanfarin fimm ár hefur hann starfað í þjálfun í Þýskalandi. Hann er nú með SV Wacker Burghausen í þýsku D-deildinni.

Hannes spjallaði við Fótbolta.net eftir æfingu Íslands og ræddi þar um málin fyrir leik Íslands gegn Bosníu sem fram fer annað kvöld, og skoðaði riðilinn.

„Það er ekki oft sem maður hefur færi á að sjá landsliðið eða samlanda sína yfir höfuð. Þegar landsliðið er að æfa í grennd við mig þá nýti ég auðvitað tækifærið og kíki á þá," sagði Hannes.

„Mér líst mjög vel á þetta. Maður sér að það er góð stemning í hópnum og ég held að menn séu tilbúnir í verkefnið sem kemur. Það er gleði, léttleiki sem ber vonandi vott um ákveðna samheldni sem er rosalega mikilvæg í leiknum á morgun."

Það eru mikilvægir menn komnir inn í hópinn og aldurssamsetningin orðin eðlilegri en hún var.

„Hvenær vorum við síðast með þann möguleika að vera með þessa blöndu? Við erum búnir að vera með gríðarlega ungt lið síðustu tvö árin. Ég held að það gefi liðinu rosalega mikið þó að Aron (Einar Gunnarsson) sé ekki að spila á morgun. Það að hann sé til staðar og aðrir sem upplifðu gullaldartímann - að þeir komi með þann kúltúr sem var til staðar í gegnum það tímabil - held ég að hjálpi þessum ungu leikmönnum."

Það er mjög mikilvægt að ná í góð úrslit á morgun. „Ég held að það sé mjög mikilvægt, líka þegar maður horfir á umfjöllunina sem er í kringum liðið. Til að gefa ekki bara liðinu, heldur líka þjóðinni, trú á það verkefni sem er í gangi þá er mikilvægt að ná í góð úrslit. Jafntefli væru góð úrslit, þó maður vonist auðvitað eftir sigri."

Markmiðið er að komast á lokakeppni EM. „Það ætti líka að vera það. Hvorki Bosnía né Slóvakía hafa farið með himinskautum síðustu ár. Það gefur okkur mikið að gömlu stjörnurnar séu komnir aftur, það gefur þessum ungu strákum þá trú sem við þurfum að hafa."

Hannes segir enga ástæðu til annars en að vera bjartsýnn með þá kynslóð sem er að koma upp. Í viðtalinu, sem sjá má í sjónvarpinu hér að ofan, ræðir Hannes einnig um sín mál í Þýskalandi.