Heimir fyrir leikinn gegn Nígeríu í gærkvöldi.
Heimir Hallgrímsson landsliðsþjálfari var ekki í vandræðum með að sofna í gærkvöldi eftir 2-0 tap Íslands gegn Nígeríu á Stalíngrad.
Landsliðið flaug til Gelendzhik strax eftir leik og voru nokkrir leikmenn landsliðsins mættir á æfingu í morgunsárið. Heimir segist vera búinn að horfa á leikinn aftur.
Landsliðið flaug til Gelendzhik strax eftir leik og voru nokkrir leikmenn landsliðsins mættir á æfingu í morgunsárið. Heimir segist vera búinn að horfa á leikinn aftur.
„Ég er búinn að horfa á leikinn nánast tvisvar sinnum. Nánast eins og alltaf þegar maður horfir á leik sem maður tapar þá er upplifunin miklu betri þegar maður horfir á hann í annað sinn," sagði Heimir sem segir leikinn hafa verið kaflaskiptan.
„Fyrri hálfleikurinn var góður og síðan vissum við að þeir myndu opna sig þegar liði á leikinn ef þeir myndu ekki ná að skora. Síðan ná þeir inn marki í upphafi seinni hálfleiks og það breytir leikmyndinni og þá þurfum við að koma framar á völlinn þá erum við svolítið að spila leikinn upp í hendurnar á Nígeríumönnum, þeirra styrkleiki eru skyndisóknir og þeir eru góðir í að snúa vörn í sókn."
„Þar með gátu þeir spilað upp á sinn styrkleika sem var vont fyrir okkur. Ef við leggjum saman þessi tvö lið þá eru þeir líklega fljótari en við að hlaupa og réðu betur við leikmyndina en við í gær. Þetta spilaðaðist svolítið upp í hendurnar á þeim," sagði Heimir en sér hann eftir því að hafa breytt um leikkerfi frá leiknum gegn Argentínu með því að fara úr 4-5-1 í 4-4-2.
„Alltaf þegar þú tapar leik þá hugsar þú hvað þú hefðir viljað gera öðurvísi. Ef við hefðum skorað fyrsta markið þá hefði þetta verið geggjuð taktísk breyting á liðinu og þannig er fótboltinn. Þú gerir eitthvað og stundum gengur það upp og stundum ekki. Svona er þetta líka í lífinu, þú verður að taka ákvarðanir. Þessi leikaðferð hefur hentað okkur mjög vel oft áður en gekk ekki upp í gær."
Viðtalið við Heimi má sjá í heild sinni í sjónvarpinu hér að ofan.
Athugasemdir
