Fótbolti.net

Albert: Þetta var ekki auðvelt

Jón Dagur: Alvaran hefst í haust

Orri: Hann byrjaði að skapa mikinn usla á milli línanna

Fyrsta landsliðsmarkið komið: „Það var bara ekkert annað hægt en að slútta þessu“

Glódís hreinskilin: Veit ekki hvernig þetta umspil virkar

Diljá Ýr: Ennþá með sama markmið

HM Álitið: Hvaða leikmaður springur út?

HM Álitið: Hverjir verða spútnik liðið?

„Kom mér lítið á óvart að hafa fengið þetta tækifæri“

HM Álitið: Hvaða lið vinnur mótið?

Munur á Spáni og Íslandi - „Gylfi Sig á miðjunni og einhver rafvirki í vinstri bakverði“

Tómas Bent fer yfir tímabilið í Skotlandi - „Ákveðin pyntingaraðferð“

HM Álitið: Hver verður efnilegastur?

Þekkir að spila yfir sumarið í Bandaríkjunum - „Held það sé enginn líkami sem geti vanist því"

„Ekki jafn frjálst og á Íslandi, sérstaklega ef maður var í KR“

HM Álitið: Hver verður bestur?

Kennie bestur í maí - „Lengsta frí sem Rúnar hefur gefið mér“

Hákon Arnar: Vona að Messi spili

Gylfi um skilaréttsmálið: Meira en ánægður að hafa skipt

Aron Einar: Get staðfest að ég verð ekki áfram í Al-Gharafa

lau 23. september 2023 17:27

Elvar Geir Magnússon

Raggi Sig fáránlega vonsvikinn með frammistöðuna - „Gefum mörk eins og oft áður“

Mynd: Fótbolti.net - Hafliði Breiðfjörð

„Ég er fáránlega vonsvikinn með frammistöðuna hér í dag," sagði Ragnar Sigurðsson, þjálfari Fram, eftir 2-2 jafntefli gegn ÍBV í fallbaráttuslag í Vestmannaeyjum í dag.

„Við erum að gefa mörk eins og oft áður, mörk sem koma upp úr engu vegna okkar eigin mistaka. Ógeðslega pirrandi."

Ólafur Íshólm markvörður fór í skógarhlaup í öðru marki ÍBV. Var Raggi svekktur út í markvörðinn sinn?

„Ef hann hefði kýlt boltann í burtu hefði maður verið ánægður. Svo klikkar það, þá finnst manni að hann hefði átt að vera á línunni. Mögulega var þetta aukaspyrna en þar sem ég sat var ómögulegt að sjá."

Lestu um leikinn: ÍBV 2 - 2 Fram

„Við sýnum karakter með því að koma til baka en síðustu mínúturnar erum við að leyfa þeim að dansa fyrir utan teiginn hjá okkur. Ég er alls ekki ánægður með þetta."

Raggi gerði þrefalda skiptingu þegar Fram var 1-0 yfir á 76. mínútu en tíu mínútum síðar hafði ÍBV komist yfir.

„Það er alltaf óþægilegt að gera svona margar breytingar, við ætluðum ekki að gera það. Svo meiðist Gummi og Tiago biður um skiptingu."

Meiðslalisti Fram er nokkuð langar. Hlynur Atli Magnússon, Brynjar Gauti Guðjónsson og Orri Sigurjónsson eru á listanum. Eru þeir frá út tímabilið?

„Það lítur ekki út fyrir að þeir séu allavega ekki klárir í næsta leik. Það er útlit fyrir það að Þengill (Orrason) sé kominn til að vera í allavega nokkra leiki í viðbót," segir Ragnar.

Þengill, sem er fæddur 2005, skoraði jöfnunarmark Fram í dag en hann fékk einnig lof fyrir frammistöðu sína í jafntefli gegn HK á dögunum.

„Ég er fáránlega ánægður með hann. Engillinn hefur varla stigið feilspor í þessum tveimur leikjum."

Er það eina sem skiptir máli að halda liðinu uppi?

„Að sjálfsögðu, það er það eina sem skiptir máli núna," segir Ragnar Sigurðsson.