Óskar Smári, þjálfari Tindastóls ræðir við Kjartan Sturluson markmannsþjálfara Vals eftir leikinn í kvöld.
„Alltaf leiðinlegt að tapa. Við töpuðum 6-1 á móti Íslandsmeisturunum og kannski byrja að óska Val til hamingju með titilinn, Valstúlkum og öllum Völsurum sem koma að þessu liði því þetta lið er bara í sérklassa og þær unnu okkur sannfærandi í dag." voru fyrstu viðbrögð Óskars Smára Haraldssonar þjálfara Tindastóls eftir tapið á Origovellinum í kvöld.
Lestu um leikinn: Valur 6 - 1 Tindastóll
„Við vorum ánægð með fyrri hálfleikinn vorum 2-0 undir en þær sköpuðu ekkert það mörg færi á móti okkur í fyrri hálfleiknum svo breyttum við upplegginu aðeins í síðari hálfleik og þær gengu bara á lagið og við rotuðumst eftir tvær mínútur í seinni og vorum lengi að koma okkur í gang og þær ganga á lagið og þær eru með það mikil gæði að við réðum ekki við það í dag en stelpurnar voru samt að reyna spila og vinna sem lið og við erum ofboðslega ánægðir með það."
Tindastóll er á botni deildarinnar en liðið er enþá í hörku baráttu um að halda sæti sínu í deildinni og fær liðið Keflavík heim á Sauðarkrók í næstu umferð í risa fallbaráttuslag og verður væntanlega fjölmennt á völlinn í þeim leik.
„Ég á von á því að okkar frábæru stuðningsmenn muni koma allir á völlinn og styðja stelpurnar til sigurs þar því það er svolítil stærðargráða á þeim leik. Við ætlum að gera þennan leik upp og tökum videofund og klárum hann og svo er bara stórleikur á Mánudaginn og við ætlum að ná í þrjú stig þar."
Viðtalið í heild sinni má sjá í sjónvarpinu hér að ofan.
Athugasemdir
