Siggi Höskulds var mjög skiljanlega vonsvikinn og svekktur eftir 3-2 tap sinna manna gegn Fram í Mjólkurbikarnum fyrr í dag.
Framarar voru heilt yfir talsvert betri framan af leik en Leiknismenn sóttu í sig veðrið og uppskáru jöfnunarmark eftir að Alex Freyr hafði varið mark á línu með höndinni og fengið reisupassann í leiðinni, allt kom þó fyrir ekki og í framlendum leik skoraði Fram sigurmarkið manni færri og þar við sat, Fram í pottinum á mánudaginn en Leiknismenn úr leik þetta árið.
Lestu um leikinn: Fram 3 - 2 Leiknir R.
„Mjög svekktur með að hafa ekki náð að klára þetta, sérstaklega þar sem sigurmarkið þeirra er kolólöglegt.''
„Við vorum bara mjög slakir í fyrri hálfleik heilt yfir, léleg orka í okkur og gekk lítið upp. Komum sterkari inn í seinni hálfleikinn og vinnum okkur til baka sem var vel gert, en svo verða þeir einum færri og þétta. Það er oft erfitt að spila við lið sem lenda manni færri og þétta svo það féll ekki með okkur.''
Það er oft talað um að bikarinn sé styðsta leiðin í Evrópukeppni, lagði Siggi mikla áherslu á bikarinn?
„Já ég setti mjög mikla áherslu á bikarinn í ár, við ætluðum okkur mjög stóra hluti í þessari keppni.''
Viðtalið í heild sinni má sjá í spilaranum hér að ofan en þar ræðir Siggi leikinn betur og stöðuna á leikmannahópnum.
