Lið og leikmaður 10. umferðar - Sagður á leið til Vals

Tveir leikir fóru fram í gær í Lengjudeildinni sem tilheyra 10. umferðinni. Hinir leikir umferðarinnar voru spilaðir 6. - 8. júlí en hér má sjá úrvalslið umferðarinnar.

Eftir fimm tapleiki í röð vann Selfoss 2-0 sigur á Grindavík í gær en Grindvíkingar eru í frjálsu falli. Selfyssingurinn Stefán Þór Ágústsson var eini markvörður deildarinnar sem hélt hreinu í umferðinni. Hrannar Snær Magnússon er einnig í úrvalsliðinu og svo er það leikmaður umferðarinnar...

Leikmaður umferðarinnar:
Þorsteinn Aron Antonsson
Þessi nítján ára miðvörður var frábær í vörn Selfoss og átti nokkrar mjög mikilvægar tæklingar til að koma í veg fyrir möguleg mörk Grindvíkinga, svo skoraði hann þetta mikilvæga annað mark Selfoss til að sigla sigrinum heim. Þorsteinn var með U19 landsliðinu á Möltu en sagan segir að hann sé á leið til Vals.