"Við vorum náttúrulega 10 inni á vellinum frá cirka 57. mínútu og það var bara of erfitt fyrir okkur að spila við Íslands og bikarmeistara Víkings manni færri," sagði Dean Martin, þjálfari Selfyssinga, eftir 6-0 tap gegn Víkingi í bikarnum í kvöld.
Lestu um leikinn: Selfoss 0 - 6 Víkingur R.
"Mér fannst við gefa þeim tvö ódýr mörk í fyrri hálfleiknum og það er ólíkt okkur að gefa svona mörk. En þegar þú spilar gegn svona góðu liði er þér refsað ef þú ert ekki á tánum. "
Athygli vakti að hvorki Gary Martin né Hrvoje Tokic voru á meðal leikmanna Selfoss í dag. "Þeir hafa verið að kljást við meiðsli. Tokic gat ekki spilað og ég vildi ekki taka áhættuna með Gary að hann gæti meiðst meira. Ég sem þjálfari tók þessa ákvörðun og svona er þetta bara."
Félagaglugginn var að opna og Dean var því spurður hvort hann ætli sér að styrkja hópinn í glugganum. "Ég veit það ekki. Auðvitað skoðum við málin en það er gott jafnvægi í hópnum og ég er mjög ánægður með liðið mitt."
Allt viðtalið má sjá hér að ofan.
