Lestu um leikinn: KA 2 - 0 Valur
Óli segir „Auðvitað er þetta mikið vonbrigðatímabil fyrir Val, það er bara klárt og langt frá væntingum og vonum leikmanna, stuðningsmanna og allra Valsmanna og það er þeirra núna að setjast niður og greina þetta. Ég er svo sem hættur þannig að ég nenni því ekki.“
Þegar spurður um plön fyrir framtíðina segir Óli „Já ég er með plön fyrir framtíðina en hvort það verður á eftir að koma í ljós“ og bætti hann við að hann vildi ekki deila því núna og að hann héldi að það væri komið gott hjá honum í fótboltanum í bili.
Óli segir „Leikurinn fór hægt af stað og tempóið lítið og síðan rekur hann (dómarinn) leikmann út af hjá okkur og dæmir víti og síðan fáum við á okkur annað mark og það eina sem við leggjum upp í seinni hálfleik er að halda haus og að verða okkur ekki til skammar en það var erfitt eftir að við mistum mann út af.“
Viðtalið má sjá í heild sinni í spilaranum hér fyrir ofan.
