Þvílíkt landslið!
Raggi Sig fagnar marki sínu. Hann er maður leiksins.
Nú er nýlokið leik Íslands og Englands í 16-liða úrslitum á EM. Hér eru einkunnir eftir leik.
Hannes Þór Halldórsson 8
Fékk vítið á sig á klaufalegan hátt í byrjun leiks. Steig ekki feilspor eftir það.
Birkir Már Sævarsson 8
Missti Sterling inn fyrir sig í vítinu. Sterling sást ekki eftir það. Frábær leikur hjá Birki.
Kári Árnason 9
Lagði upp fyrra markið og var virkilega öflugur. Hann og Raggi eru eins og malt og appelsín.
Ragnar Sigurðsson 10 - Maður leiksins
Geggjuð frammistaða sem var toppuð með marki. Raggi fær bunka af tilboðum eftir EM.
Ari Freyr Skúlason 8
Skilaði sínu mjög vel. Besti leikur hans í keppninni.
Aron Einar Gunnarsson 10
Dreif liðið áfram á magnaðan hátt. Var nálægt því að kóróna frammistöðuna með marki í lokin.
Gylfi Þór Sigurðsson 9
Frábær með Aroni á miðjunni. Átti þátt í öðru markinu.
Jóhann Berg Guðmundsson 8
Skilaði mjög góðri vinnu allan leikinn. Hóf spilið á hægri kantinum í öðru markinu ásamt Birki Má.
Birkir Bjarnason 10
Gífurlega öruggur á boltann og yfirferðin ótrúleg.
Kolbeinn Sigþórsson 10 ('76)
Skoraði sitt fyrsta mark á mótinu. Vann marga skallabolta áður en hann varð að fara af velli á 76. mínútu.
Jón Daði Böðvarsson 8 ('88)
Lagði upp fyrra markið og hljóp úr sér lungun enn á ný.
Varamenn:
Theódór Elmar Bjarnason ('76)
Spilaði of stutt til að fá einkunn.
Arnór Ingvi Traustason ('88)
Spilaði of stutt til að fá einkunn.
Athugasemdir
