,,Ég ætlaði nú að vinna og skora en það gekk ekki alveg," sagði Grétar Sigfinnur Sigurðarson leikmaður KR eftir 1-2 tap gegn Val í Vesturbænum í kvöld.
,,Þetta er skrítið, við virðumst ekki geta unnið Valsara á heimavelli."
,,Við erum ekki búnir að vinna leik í sumar og það er mjög leiðinlegt. Við erum komnir með 3 stig og það er ekki það sem við ætluðum okkur."
,,Vandamálið er að við erum ekki að skora nóg og erum ekki að verjast vel. Við erum ekki að gera nógu góða hluti hvar sem er á vellinum, þrátt fyrir að baráttan hafi verið til staðar í dag en einbeitingaleysi skóp þessi mörk hjá þeim."
