Reynir Leósson varnarmaður Vals var tiltölulega sáttur með jafntefli í kvöld þegar Valur heimsótti Stjörnuna í Garðabænum.
,,Það getur vel verið að þetta sé sanngjörn niðurstaða, mér fannst við samt eiga betri færi og þá sérstaklega áður en þeir komast yfir, við fengum tvisvar færi einn á móti markmanni og svo fannst mér við eiga fá víti þegar brotið er á Ian Jeffs í fyrri hálfleik"
,,Síðan skora þeir úr skyndisókn sem þeir gera vel en það er styrkleikamerki hjá okkur að við héldum aga og komum til baka og mér fannst við allavegana eiga eitt stig skilið ef ekki þrjú," sagði Reynir Leósson.
Valgeir Valgeirsson dómari leiksins sleppti nokkrum vítaspyrnudómum sem litu ekki vel út úr stúkunni að sjá, en hvað vildi Reynir segja um það?
,,Hann verður að skoða þennan leik sjálfur og gefa sjálfum sér einkunn eftir þessa frammistöðu," sagði Reynir.
Nánar er rætt við hann í sjónvarpinu hér að ofan.
