,,Þetta fór ekki alveg eins og við ætluðum okkur. Við fengum á okkur klaufalegt mark í byrjun sem sló okkur út af laginu," sagði Ásmundur Haraldsson þjálfari Gróttu eftir 1-4 tap gegn ÍA í kvöld.
,,Við komum til baka og jöfnum en fáum svo aftur á okkur ódýrt mark. Við eigum svo bara erfttt með að ná okkur upp úr því."
,,Þó seinni hálfleikurinn hafi verið okkar eign þá datt þetta ekki með okkur í dag. Leikmennirnir sýndu gott effort við að reyna að koma til baka og reyndu og reyndu og reyndu en það bara gekk ekki."
Grótta fékk á sig eitt mark úr vítaspyrnu í leiknum. Ásmundur var spurður út í dóminn.
,,Ég treysti Kristni alveg til að dæma þetta eins og maður. Þetta var bara víti, mér sýndist það bara og það var ekkert flókið."
Nánar er rætt við Ásmund í sjónvarpinu að ofan.
