Ásmundur á hliðarlínunni í kvöld.
,,Við töluðum um það fyrir leikinn að við værum sáttir með eitt stig en hæstánægðir með þrjú stig," sagði Ásmundur Guðni Haraldsson þjálfari Gróttu eftir 2-2 jafntefli gegn ÍR í 1. deildinni í kvöld.
,,Úr því sem komið var, við vorum komnir 2-1 undir á lélegum 10 mínútna kafla hjá okkur í byrjun seinni hálfleiks. Við náum að koma til baka og ég ætla ekki að fara að svekkja mig á þessu. Við fengum þarna 2-3 sénsa til að skora í lokin og hirða þrjú stig."
,,Ef við nýtum öll tækifæri sem við fáum þá klárum við alla leiki en það hefur ekki dottið þannig með okkur í sumar að við höfum verið með 100% nýtingu í færunum okkar. Að fara 1-0 yfir í hálfleik var allt í lagi en ég hefði að sjálfsögðu viljað fara 2-3 núll yfir."
,,Ég er mjög ánægður með að við skyldum halda út í seinni hálfleik. Við ætluðum að bakka, leyfa þeim að koma aðeins og búa til svæði fyrir aftan þá og eiga pressuna inni. Við þurftum á henni að halda þegar við vorum komnir 2-1 undir."
,,Þá fórum við að pressa á þá og ég vissi að þeir væru' sjeikí' undir pressu en vissi ekki að þeir væru svona 'sjeikí' undir pressu. Þá hefðum við komið fyrr á þá og jafnvel byrjað leikinn á því ef ég hefði haft þannig trú á því að þeir væru svona 'sjeikí'."
Nánar er rætt við Ásmund í sjónvarpinu að ofan.
