Egill ,,Drillo" Olsen þjálfari norska landsiðsins vonast að liðið byrji á þremur stigum í undankeppni EM sem hefst í kvöld.
Liðið mætir íslenska liðinu á Laugardalsvellinum.
Liðið mætir íslenska liðinu á Laugardalsvellinum.
,,Við vonumst eftir því að vinna leikinn en vitum að það verður erfitt, við áttum í miklum erfiðleikum þegar við komum hingað síðast og vorum í raun heppnir að fá stig. Við erum betur undirbúnir núna og vonumst eftir sigri," sagði Drillo í samtali við Fótbolta.net.
,,Við erum sterkari en seinast og vonandi eru Íslendingarnir ekki sterkari en seinast. Við erum betri og höfum í raun bara spilað góða leiki eftir leikinn gegn Íslandi."
Ásamt Íslandi og Noregi eru Portúgal, Danmörk og Kýpur í riðlinum.
,,Við viljum komast áfram úr riðlinum, ég veit að það verður erfitt að vinna riðilinn því Portúgal líta mjög vel út. Ef við getum endað í öðru sætinu þá yrði ég sáttur."
Norðmenn eru án John Carew sem glímir við meiðsla
,,Auðvitað munar um hann því þegar hann er í sínu besta formi þá er hann frábær. Við höfum góða leikmenn fyrir utan Carew."
Drillo segist skilja vel af hverju Ólafur Jóhannesson valdi ekki Eið Smára Guðjohnsen í landsliðið.
,,Það mun hafa áhrif á leik Íslands en ég sá hann gegn Liechtenstein og skil það að hann sé ekki valinn."
