„Mér líst mjög vel á þetta verkefni, markmiðið er að vinna alla þrjá leikina. Ég er í toppstandi, engin meiðsli eða slíkt," sagði Kristian Nökkvi Hlynsson við Fótbolta.net í dag.
Framundan er leikur U21 árs landsliðsins gegn Liechtenstein á morgun. Kristian er leikmaður Ajax í Hollandi og hefur í vetur spilað með varaliði félagsins auk þess að hafa komið við sögu í bikarleikjum með aðalliðinu.
Framundan er leikur U21 árs landsliðsins gegn Liechtenstein á morgun. Kristian er leikmaður Ajax í Hollandi og hefur í vetur spilað með varaliði félagsins auk þess að hafa komið við sögu í bikarleikjum með aðalliðinu.
„Ég var í stóru hlutverki með varaliðinu og fékk séns í bikarnum. Það var mjög skemmtilegt," sagði Kristian sem vonast eftir fleiri tækifærum með aðalliðinu á næsta tímabili. Hann segir að hans hlutverk á næsta tímabili verði mögulega rætt eftir landsleikina.
Erik ten Hag hefur verið stjóri Ajax síðustu ár en hann hefur söðlað um og er tekinn við Manchester United.
„Mín kynni af honum voru mjög góð, hann er mjög góður þjálfari og spilar skemmtilegan fótbolta. Ég held að Manchester United sé að fá góðan stjóra."
Kristian kveðst sáttur með tímann til þessa í Hollandi. „Ég kem inn í U16 liðið og er búinn að vinna mig upp."
Í lok viðtals var Kristian spurður út í A-landsliðið. Hann segist einbeittur á verkefnið með U21.
Athugasemdir
