Steven Lennon, framherji FH, fékk í dag afhend verðlaun frá Bose fyrir að vera leikmaður annars þriðjungs í Pepsi Max-deildinni. Lennon fékk 38% atkvæða í kjörinu og fékk að launum Bose SoundSport Free, þráðlaus íþrótta heyrnartól.

„Ég er kominn með 14 mörk á þessu tímabili og vonandi get ég bætt við það," sagði Lennon við Fótbolta.net í dag en hann er markahæstur í deildinni ásamt Patrick Pedersen.

Lennon hefur bæði spilað á vinstri kanti og sem fremsti maður hjá FH. Hvort kýs hann frekar? „Það fer eftir því hvaða framherji er með mér. Vanalega vil ég frekar vera vinstra meginn ef ég er með framherja sem getur haldið boltanum og ég get hlaupið í kringum. Stundum þarf ég að spila sem númer níu og ég er sáttur við það, ég hef gert það áður."

Lennon er á sjöunda ári sínu hjá FH og hann vill klára ferilinn í Hafnarfirði. „Ég á eitt ár eftir af samningi mínum og ég ímynda mér að klára ferilinn hjá FH," sagði hinn 32 ára gamli Lennon.

Hér að ofan má sjá viðtalið við Lennon.

Innkastið - Hver er besti leikmaður annars þriðjungs Pepsi Max-deildar karla? #fotboltinet

— Fótbolti.net (@Fotboltinet) September 21, 2020

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit