Málfríður Erna: Örugglega enn sætara að klára þetta í uppbótartíma
Málfríður Erna Sigurðardóttir
Mynd: Fótbolti.net - Hafliði Breiðfjörð
Málfríður Erna Sigurðardóttir
Mynd: Fótbolti.net - Hafliði Breiðfjörð
„Hann var ekki nógu góður en við náðum að skora og klára leikinn í endann. Nei, mér fannst við alltaf vera, allavega í seinni hálfleik að eiga leikinn og eiga að vinna en bara þú veist þetta var smá þolinmæði, en þetta kom í endann sem betur fer", sagði Málfríður Erna Sigurðardóttir leikmaður Stjörnunar eftir 1-2 sigur Stjörnunar á KR í 11. umferð Bestu deildar kvenna.
Þrátt fyrir að Stjarnan hafi náð að landa sigri hefur spilamennska likðsins oft verið betri og sagði Málfríður þetta þegar hún var spurð að því hvað hefði vantað upp á í leik Stjörnunar í kvöld,
„Það vantaði bara grimmd og að ná að klára færin, það var eiginlega það var eiginlega svona smá blóð á tennurnar og ná að klára"
„Mjög, mjög sætt, það er örugglega ennþá sætara að klára þetta í uppbótatíma" sagði Málfríður Erna þegar hún var spurð af því hvernig tilfining það hafi verið að sjá boltann í netinu í uppbótatíma.
Stjarnan sem situr í 3. sæti deildarinnar spilar við Breiðablik sem er í 2. sætinu á þriðju daginn og leikurinn leggst vel í Málfríði, „Bara mjög vel, við ætlum að reyna að halda áfram og bara klára leikinn, bara áfram gakk."
Viðtalið má sjá í heild sinni í spilaranum hér að ofan.
