Erlingur skoraði tvö fyrir Víking
Erlingur Agnarsson skoraði tvö mörk fyrir Víking R. sem vann HK 3-0 í Pepsi Max-deild karla í kvöld. Víkingar eru komnir á toppinn í bili.
Lestu um leikinn: Víkingur R. 3 - 0 HK
Erlingur gerði bæði mörkin í síðari hálfleiknum. Fyrra markið kom á 58. mínútu upp úr bókstaflega engu þegar hann þrumaði boltanum með vinstri framhjá Arnari Frey Ólafssyni og í netið.
Hann gerði svo síðara markið á 80. mínútu er hann keyrði upp allan völlinn og skoraði. Þetta voru mikilvæg mörk því þetta þýðir að Víkingur er á toppnum með 42 stig, stigi á undan Blikum.
„Frábærleg, er mjög sáttur. Það er mjög auðvelt þegar þú ert í toppbaráttu þá er ekki erfitt að tjúna sig inn í leiki."
„Það var gaman að skora tvö. Ég er sóknarmaður þannig ég þarf að skora meira."
Erlingur kann vel við sig í þessu leikkerfi Víkinga þar sem liðið spilar með tvo framherja.
„Alveg sama en eins og við erum að spila núna tveggja sentera hentar mér ágætlega."
Valur heimsækir Breiðablik klukkan 20:00 en hann vonast eftir því að Valsarar nái í þrjú stig á Kópavogsvelli.
„Ég vona að Valur vinni Breiðablik, það er frekar augljóst."
Erlingur var sérstaklega ánægður með stuðningsmennina en hann segir það skipta miklu að spila fyrir framan þá frekar en dauða stúku.
„Þeir eru alveg geggjaðir og allt annað að spila fyrir framan stuðningsmenn heldur en dauða stúku. Gefur okkur 100 prósent orku," sagði hann ennfremur.
Athugasemdir
