„Maður er að reyna að átta sig á hlutunum. Þetta var ótrúlegt móment í blálokin þannig maður er ekki alveg búinn að ná stjórn á tilfinningnunum til að geta gert þær upp," sagði Sigurður Heiðar Höskuldsson þjálfari Þórs eftir tap gegn Stjörnunni í átta liða úrslitum Mjölkurbikarsins í kvöld.
Lestu um leikinn: Þór 0 - 1 Stjarnan
Siggi sagði að það vantaði meiri yfirvegun og kraft inn í teignum sóknarlega.
„VIð vorum góðir. Þeir voru töluvert meira með boltann en við fengum færin. Ég held að þeir hafi ekki fengið eitt einasta færi í leiknum. Þetta spilaðist nákvæmlega eins og við vildum, við fengum fullt af tækifærum til að búa til færi eða skora mörk. Svekkjandi að tapa þessum leik svona en mér fannst við gera þetta virkilega vel," sagði Siggi.
Næsti leikur Þórs er útileikur gegn toppliði Fjölnis í Lengjudeildinni á laugardaginn.
„Ég er spenntur fyrir framhaldinu. Við þurfum bara að stroka þessi leiðindi út og gíra okkur fyrir laugardaginn. Fá alvöru hugarfar eins og var í dag og þá er ég mjög spenntur fyrir framhaldinu," sagði Siggi.