Sigurvin Ólafsson þjálfari Þróttar Reykjavíkur
Örn Bragi hefur spilað vel í sumar
Þróttur Reykjavík fékk gott tækifæri til að máta sig inn í aðstæðurnar við að spila í Bestu deildinni á næsta ári. Eitthvað sem flestir ef ekki allir sparksérfræðingar búast við.
Breiðablik kom í heimsókn og fyrsta hálftímann leit Þróttur út fyrir að vera betra lið og var líklegra til að skora. Breiðablik tók hins vegar völdin eftir 30 mínútur og fóru með 2-1 sigur af hólmi.
En hvernig fannst Venna leikurinn?
„Þetta var áhugaverður leikur, þróaðist í óvenjulega átt í seinni hálfleik þar sem við erum allt í einu manni fleiri. Kemur pressa á okkur að sækja og herja á Blikanna. Við reyndum að gera það til að jafna leikinn en það dugði ekki til."
Breiðablik kom í heimsókn og fyrsta hálftímann leit Þróttur út fyrir að vera betra lið og var líklegra til að skora. Breiðablik tók hins vegar völdin eftir 30 mínútur og fóru með 2-1 sigur af hólmi.
En hvernig fannst Venna leikurinn?
„Þetta var áhugaverður leikur, þróaðist í óvenjulega átt í seinni hálfleik þar sem við erum allt í einu manni fleiri. Kemur pressa á okkur að sækja og herja á Blikanna. Við reyndum að gera það til að jafna leikinn en það dugði ekki til."
Lestu um leikinn: Þróttur R. 1 - 2 Breiðablik
Þróttur R. mætti tilbúið til leiks og ætlaði sér sigur og voru betri aðilinn framan af, vorum meira með boltann og áttu fleiri færi.
„Já ég er sammála því að byrjunin var mjög góð, mjög sterk. Fyrri hálfleikurinn var í heild sinni mjög jafn. Það er aldrei gott að fá á sig mark en óþægilegt að fá á sig mark rétt fyrir hlé."
Fannst Venna þessi frammistaða sýna það að Þróttur R. er nógu gott til að spila í Bestu deildinni?
„Auðvitað nýtir maður þessa leiki í akkúrat þessar pælingar, máta sig aðeins og hvernig við lítum út. Auðvitað spiluðum við við þessi lið á vetrartímanum í æfingarleikjum en það er kannski ekki alveg það sama. Það er mjög hollt að taka svona leiki og sjá hvar við stöndum. Mér finnst við alveg eiga erindi í að keppa í sömu deild og þeir."
Hvað getur Venni sagt okkur um Örn Braga Hinriksson 18 ára strákur sem hefur slegið í gegn í byrjun tímabils?
„Hann hefur sýnt það í fyrstu þremur leikjum að fyrir utan að skora í öllum þessum leikjum þá er hann að spila vel. Ég er ekki bara að eltast við mörk heldur líka hvernig menn spila. Örn Bragi er gífurlega hæfileikaríkur, og af því að enginn þekkir nafnið þá veljið þið hann ekki mann leiksins."
Viðtalið í heild má nálgast í spilaranum hér að ofan
