„Þetta var bara 'solid', góð frammistaða hjá liðinu. Við fundum glufurnar og við þurftum nú svo sem að leita að þessum glufum, af því að Grindavík voru þéttar fyrir og lágu vel til baka og lokuðu svæðunum. Það tók smá tíma að brjóta þær niður, en sem betur fer gekk það upp, en FH-liðið spilaði bara heilt yfir mjög flottan fótbolta í dag," sagði Guðni Eiríksson, þjálfari kvennaliðs FH eftir 6-0 heimasigur gegn Grindavík í Lengjudeild kvenna.
Lestu um leikinn: FH 6 - 0 Grindavík
„Andstæðingar okkar vita svo sem að þetta er leikstíll FH, að keyra á háu 'tempó-i' og keyra á andstæðinginn, þannig að það er svo sem ekkert nýtt, en já, þetta er bara leikstíll FH."
Guðni Eiríksson, þjálfari FH, gat ekki verið annað en sáttur eftir 6-0 sigur á móti Grindavík á Kaplakrikavelli í kveld. Hann hrósaði sínu liði í hástert og var sáttur við framlag sinna leikmanna. Úrslitin þýða að liðið sitji á toppi deildarinnar eftir sjö leiki og ennfremur, taplaust.
„Það er gríðarlega dýrmætt og það sem að skilur að, oft á tíðum og hefur gert það í sumar, það er breiddin hjá okkur og við erum með sterkar stelpur hvort sem þær eru inn á eða á bekknum, meira að segja fyrir utan hóp, þannig að það vantar ekkert upp á gæði," sagði Guðni, aðspurður um breiddina í hópnum.
Viðtalið má sjá í spilaranum hér að ofan.
