Lestu um leikinn: Keflavík 3 -  1 ÍA

Leikurinn var jafn og spennandi í fyrri hálfleik en Keflavíkurstúlkur komumst yfir með síðustu spyrnu fyrri hálfleiks þegar Marín Rún Guðmundsdóttir skoraði af stuttu færi. En á 59. mínútu skipti Gunnar Amelíu Rún Fjeldsted inná og um fimm mínútum síðar hafði hún skorað annað mark liðsins og átt stóran þátt í því þriðja. Það er munur að eiga svona varamenn?

„Þetta var ákveðið gameplan. Amelía er búin að vera frábær á tímabilinu. Við erum eins og hefur kannski komið fram áður ekki með stóran hóp og ég er aðeins að reyna að rúlla á mannskapnum. Það eru 2-3 stelpur sem hafa spilað fleiri mínútur en hún. Hún er sextán ára gömul og ég ákvað það að setja hana á bekkinn í dag og hugmyndin var akkurat þessi. Að hún kæmi inná með þennan kraft og setti mark eða mörk og hún gerði það svo sannarlega.“

Það er ekkert leyndarmál að stefna Keflavíkur er að koma liðinu rakleitt aftur upp í Pepsi Max deildina þaðan sem liðið féll í fyrra.

„Já það er bara ekkert annað sem kemur til greina. Við tókum stórt skref aftur á bak í fyrra og erum með hörkufínt lið og fínan mannskap. En við höfum svolítið breytt áherslum síðan í fyrra. það er engin Sveindís Jane hjá okkur núna sem að leikur okkar snerist svolítið um í fyrra að senda fram á hana þannig að við höfum verið að breyta og erum að aðlaga okkur að því en það hefur tekið aðeins lengri tíma í kjölfar Covid,“

Sagði Gunnar en allt viðtalið má sjá hér að ofan