Hildur fagnar með mjólkina að vopni
„Það er ekkert skemmtilegra en að vinna bikar. Sérstaklega þennan bikar. Þetta er bara úrslitaleikur. Það er fullt af tilfinningum og þetta er bara æðislegt,“ sagði Hildur Antonsdóttir í samtali við Fótbolta.net eftir 2-1 sigur á Stjörnunni í bikarúrslitum.
Lestu um leikinn: Stjarnan 1 - 2 Breiðablik
„Þetta var hörkuleikur í 90 mínútur og hefði getað dottið báðum megin. Við náðum að setja tvö mörk í fyrri hálfleik sem gerðu okkur gott og síðan lágu þær reyndar smá á okkur í lokin en við héldum vel. Fengum eitt mark á okkur en svo sigldum við þessu bara í höfn.“
Hildur var í liði Breiðabliks sem varð bikarmeistari 2016. Þá kom hún inná sem varamaður en í dag lék hún allar 90 mínúturnar.
„Það er skemmtilegra að spila allan leikinn en það er alltaf gaman að vinna bikar,“ sagði Hildur um muninn á því að byrja leikinn eða koma inn af bekknum.
„Við fögnum þessu í kvöld en byrjum svo að hugsa aftur um deildina,“ sagði Hildur að lokum en nánar er rætt við hana í sjónvarpinu hér að ofan.
