„Við vitum lítið um Andorra liðið en vitum að það er erfitt lið að spila á móti, sérstaklega á útivelli á þessu gervigrasi," sagði landsliðsmaðurinn Birkir Bjarnason eftir æfingu á Spáni í dag.
Ísland er að búa sig undir leik gegn Andorra á föstudag og svo verður leikið gegn heimsmeisturum Frakklands á mánudag. Um er að ræða fyrstu tvo leikina í undankeppni EM.
Birkir fór ekki leynt með að hann er ekki spenntur fyrir því að spila á gervigrasinu í Andorra.
Ísland er að búa sig undir leik gegn Andorra á föstudag og svo verður leikið gegn heimsmeisturum Frakklands á mánudag. Um er að ræða fyrstu tvo leikina í undankeppni EM.
Birkir fór ekki leynt með að hann er ekki spenntur fyrir því að spila á gervigrasinu í Andorra.
„Það er ekki eitthvað sem maður vill spila á, sérstaklega ekki eftir að maður heyrði að þetta er svolítið gamalt gervigras. En svona er aðstaðan og við verðum bara að búa okkur undir það og mæta almennilegir í þennan leik."
Birkir hefur þurft að sætta sig við mikla bekkjarveru hjá Aston Villa en telur þó að formið sitt sé í besta lagi.
„Ég hef spilað rosalega lítið síðustu tvo mánuði. En ég hef verið að æfa aukalega og reynt að halda mér í eins góðu formi og ég get. Mér finnst ég í mjög góðu formi."
Sjáðu viðtalið í heild í sjónvarpinu hér að ofan.
Athugasemdir