Katrín í leiknum í gær
Freyr Alexandersson gerði eina breytingu á byrjunarliðinu fyrir leikinn gegn Frökkum í gær frá æfingaleiknum gegn Brasilíu sem var síðasti æfingaleikur Íslands fyrir EM.
Dagný Brynjarsdóttir kom inn fyrir Katrínu Ásbjörnsdóttur í fremstu víglínu.
Dagný Brynjarsdóttir kom inn fyrir Katrínu Ásbjörnsdóttur í fremstu víglínu.
„Auðvitað er maður svekktur að vera tekin út, en Dagný er mjög góður kandídat í þessa stöðu og gerði það vel í leiknum. Mér langar að hrósa henni fyrir það," sagði Katrín og hélt áfram.
„Við eigum mjög marga góða sóknarmenn sem geta leyst þessar þrjár stöður fram á við og ég fékk mín tækifæri og margar mínútur og ég er sátt með það," sagði Katrín.
Hún segir það ekki vera áhyggjuefni þó íslenska landsliðið sé ekki búið að skora fótboltamark í fjórum leikjum í röð.
„Við erum búnar að spila á móti Frakklandi og Brasilíu. Þetta eru ótrúlega góð lið og eitt af bestu liðum í heimi. Ég hef litlar áhyggjur, mörkin koma á laugardaginn í mjög mikilvægum leik gegn Sviss sem við verðum að taka."
„Við þurfum að fókusera á næsta leik og taka þessi þrjú stig, sama hvernig mörkin koma, þá munu þau koma við vitum það alveg," sagði Katrín sem var ánægð með baráttuna í liðinu í leiknum í gær.
„Þær byrja að væla eftir tvær mínútur yfir baráttunni í okkur og hvað við erum fastar fyrir og það er það sem við viljum. Við erum þekktar fyrir þetta og viljum spila svona. Við vorum yfir á mörgum sviðum í gær en erum óheppnar í lokin."
Viðtalið í heild sinni má sjá í sjónvarpinu hér að ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir
