FH fengu Keflvíkinga í heimsókn á Kaplakrikavöll í dag þegar 18.umferð Bestu deildar karla hélt áfram göngu sinni.
FH hafði fyrir leikinn ekki unnið leik í deildinni frá því Eiður Smári Guðjohnsen og Sigurvin Ólafsson tóku við stjórn liðsins en það breyttist allt í kvöld þegar FH bar sigurorð af Keflvíkingum.
Lestu um leikinn: FH 3 - 0 Keflavík
„Já kominn tími til og þetta var geðveikt. Líka að fá að skora mörkin og hafa unnið Keflavík, þetta var bara snilld." Sagði Úlfur Ágúst Björnsson framherji FH eftir leikinn í kvöld en hann skoraði 2 mörk í leiknum og var ekki langt frá því að setja það þriðja en flaggið fór á loft.
„Við ætluðum bara að keyra á þá, við fengum geðveikan stuðning og þetta var bara langþráður sigur sem loksins kom."
Stuðningurinn í stúku FH var til fyrirmyndar og stemningin eftir því en það voru margir FH-ingar sem lögðu leið sína að Kaplakrika til þess að styðja sína menn til dáða í dag.
„Já þetta var geðveikt og bara frá því í upphitun þegar allir voru mættir og þetta var bara snilld að hafa þá og vonandi koma þeir á alla leiki."
Úlfur Ágúst var lánaður til Njarðvíkur í upphafi móts þar sem hann lék á eldi og skoraði 10 mörk í 12 leikjum sem varð til þess að FH kölluðu hann tilbaka í sumarglugganum til þess að klára tímabilið með FH. Úlfur Ágúst er stoltur af því hvernig sumarið hefur þróast.
„Já heldur betur og líka þá komst Njarðvík upp núna í gær sem er geðveikt og við unnum núna svo þetta er bara búin að vera frábær helgi."
Nánar er rætt við Úlf Ágúst Björnsson í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
