Alfreð Elías þjálfari Selfyssinga var sáttur með 1-0 sigur sinna kvenna á ÍBV í Pepsi deildinni í dag. Selfyssingar skoruðu sigurmarkið á 90. mínútu leiksins en það gerði Magdalena Anna beint úr vítaspyrnu.
Lestu um leikinn: Selfoss 1 - 0 ÍBV
„Þetta var ljótur en ótrúlega fallegur sigur."
„Þetta er okkar styrkleiki. Þó að við séum ekki mikið með boltann þá erum við ótrúlega seigar og duglegar að loka á færi andstæðinganna, sem við vorum að gera vel."
„Þetta var ekki besti leikurinn okkar en breyttist svolítið þegar við gerðum tvöfalda skiptingu. Settum tvær ungar og ferskar á miðjuna, með þeim kom svona öðruvísi ógn fram á við."
Alfreð er sáttur við sumarið og segir að liðið hafi náð öllum sínum markmiðum. Alfreð heldur áfram að þálfa liðið.
„Nú fer ég og skrifa undir nýjan tveggja ára samning og mér hlakkar bara ótrúlega mikið til."
Athugasemdir