Caroline Mc Cue Van Slambrouck
Caroline Mc Cue Van Slambrouck varnarmaður Keflavíkur var að vonum svekkt að leikslokum eftir 1-0 tap Keflavíkur gegn Tindastól á HS Orkuvellinum í kvöld. Þrátt fyrir að vera mun meira með boltann í leiknum gekk Keflavík illa að skapa sér afgerandi færi og virtist í raun ekki líklegt til að skora í leiknum.
Lestu um leikinn: Keflavík 0 - 1 Tindastóll
„Úrslitin eru augljóslega gríðarleg vonbrigði. Við komum inn í leikinn og áttum fleiri skot, pressuðum þær en þessi íþrótt getur verið grimm. Betra liðið vinnur ekki alltaf. Ég er samt líka stolt af liðinu mínu og þeirri átt sem við erum að fara í. Þegar þú skoðar og berð saman leikina okkar í ár við fyrri tímabil sem ég hef verið hérna þá sést sú staðreynd að við orðnar pressulið sem á fleiri skot á markið en andstæðingurinn sem ég held að segi margt um þá vegferð sem liðið er á.“
Eins og áður sagði gekk Keflavíkurliðinu bölvanlega að skapa sér teljandi færi í leiknum og þau sem liðið á annað borð runnu út í sandinn mörg hver. Bara einn af þessum dögum?
„Bara slæmur dagur en við höldum áfram. Þetta er hörkuhópur sem við erum með hérna. Við erum seigar og það er engin efi í mínum huga að þetta er bara olía á okkar eld. Við höfum séð að við getum keppt við bestu liðin og ef eitthvað þá er þetta bara hvatning til að rísa upp og halda áfram.“
Næst á dagskrá hjá Keflavík er heimsókn frá öðru liði af norðurlandi þegar Þór/KA kemur í heimsókn. Liðin hafa þegar mæst tvisvar í sumar og hefur Keflavík farið með sigur af hólmi í báðum leikjum. Caroline og hennar stöllur því eflaust staðráðnar að bæta þriðjá sigrinum í safnið.
„Það er gaman að spila gegn Þór/KA. Þær hafa gert mjög vel á þessu tímabili og í þessum leikjum sem við höfum mætt þeim hefur það hentað okkur mjög vel. Kantmenn okkar hafa fengið mikið pláss til að koma með fyrirgjafir og gera það sem kantmenn gera best.“
Sagði Caroline en allt viðtalið má sjá hér að ofan.
Athugasemdir
