„Bara þrjú góð stig. Fyrri hálfleikurinn flottur og seinni hálfleikurinn snerist bara um að sigla þessu heim" sagði Guðni Eiríksson þjálfari FH eftir 4-1 sigur FH á Fjarðarbyggð/Hetti/Leikni í 12. umferð Lengjudeildar kvenna í kvöld.
Lestu um leikinn: FH 4 - 1 Fjarðab/Höttur/Leiknir
Leikurinn byrjaði með miklum látum og var staðan orðin 1-1 eftir 5 mínútur en eftir að FH ingar komust í 2-1 á 15. mínútu var sigurinn aldrei í hættu
„Jájá eða sko, leikurinn var náttúrulega 1-1 og á þeim tímapunkti vorum við ekki með leikinn í okkar höndum en í stöðunni 2-1 og frá þeim tímapunkti þá já", sagði Guðni.
FH ingar sitja á toppi deildarinnar með 29 stig og hafa skorað 37 mörk í 12 leikjum og bara fengið á sig 6 mörk, Guðni var sammála því að markaskorun væri ekki vandamál fyrir liðið þessa dagana,
„Nei, það virðist ganga nokkuð vel að skora mörk í FH búningnum og er á meðan er og allt það, þetta bara gengur, jú gengur vel", sagði Guðni
Viðtalið má sjá í heild sinni í spilaranum hér að ofan.
