Chris Brazell: Ég er ekkert feiminn eða neitt svoleiðis
Chris Brazell.
Mynd: Fótbolti.net - Hafliði Breiðfjörð
Chris Brazell.
Mynd: Fótbolti.net - Hafliði Breiðfjörð
„Það var skemmtilegt fyrir strákana í síðustu viku að fá að fara í viðtölin. Ég er ekkert feiminn eða neitt svoleiðis og ég var alls ekki að bíða eftir sigri til að koma í viðtal," sagði Christopher Arthur Brazel þjálfari Gróttu í sínu fyrsta viðtali.
„Auðvitað er gott að vinna 5-1, þar af leiðandi góður sigur. Hrós á KV sem reyndi að sækja á okkur. Þetta var ekki 5-1 sigur að mínu mati ef við skoðum hvernig þeir spiluðu. Þeir reyndu að sækja á okkur allan leikinn," sagði Cristopher.
„Já, strákarnir voru að leggja mikið á sig í pressunni. Við sköpuðum færi með því að pressa þá. Við hefðum klárlega átt að skora eitt, tvö, jafnvel þrjú mörk í þeim aðstæðum," sagði Cristopher um pressu sinna manna á vörn KV.
Með boltann hefði Cristopher viljað að sínir menn myndu gera betur. Hann talaði þó um að völlurinn hafi verið þurr og þar af leiðandi erfitt að spila boltanum hratt á milli manna.
