Pablo Punyed, leikmaður KR, var valinn leikmaður fyrsta þriðjungs í Pepsi Max-deild karla. Innkastið tilnefndi fjóra leikmenn í valinu og Pablo fékk 49,6% atkvæða.
Pablo fékk Bose Frames Alto M/L - Sólgleraugu með innbyggðum bluetooth hátalara í verðlaun frá Origo.
Pablo fékk Bose Frames Alto M/L - Sólgleraugu með innbyggðum bluetooth hátalara í verðlaun frá Origo.
„Við erum búnir að spila vel og það er alltaf gaman að fá svona verðlaun. Deildin er mun sterkari í ár heldur en áður. Við þurfum að halda áfram að vinna í næsta þriðjungi," sagði Pablo við Fótbolta.net í dag eftir að hann tók við verðlaunum.
Pablo hefur verið öflugur á miðjunni hjá KR í sumar og skorað fjögur mörk.
„Ég er jafn ánægður með að leggja upp og skora. Ég er kannski meira í sviðsljósinu þegar ég skora. Við erum ekki með leikmann sem skorar 20 mörk á tímabili í KR og við þurfum allir að leggja okkur fram."
Pablo spilaði einnig leiki í vinstri bakverði á dögunum í fjarveru Kristins Jónssonar.
„Mér finnst miklu skemmtilegra að spila á miðjunni. Svona gerist í fótbolta og ég get spilað í vinstri bakverði. Vonandi get ég spilað fleiri leiki á miðjunni en í vinstri bak."
Innkastið - Hver er besti leikmaður fyrsta þriðjungs Pepsi Max-deildar karla? #fotboltinet
— Fótbolti.net (@Fotboltinet) July 19, 2020
Athugasemdir