Jannik Holmsgaard Pohl skoraði jöfnunarmark Fram í 1-1 jafntefli gegn Val í Bestu deildinni í kvöld og var sáttur að leikslokum.
Jannik kom inn af bekknum í sínum fyrsta keppnisleik í fimm vikur og var búinn að skora ellefu mínútum síðar.
„Mér fannst við spila mjög góðan leik og eigum skilið að taka með okkur stig. Við fengum betri færi og þeir voru byrjaðir að tefja þegar 20 mínútur voru eftir. Það sýndi okkur að þeir voru hræddir," sagði Jannik sem lýsti svo markinu og talaði um hvað hann sé ánægður að vera loksins búinn að jafna sig eftir meiðsli.
„Mér finnst ég gefa liðinu mikið en ég þarf að spila fleiri leiki til að koma mér í betra stand. Ég vil skora meira og það mun koma þegar ég næ fleiri leikjum."
Athugasemdir
