Leikmaður umferðarinnar:
Viktor Jónsson
Það hefur sjaldan verið eins auðvelt að velja leikmann umferðarinnar í Lengjudeildinni. Tja, kannski var það auðveldara í síðustu umferð þegar Elmar Kári Enesson Cogic gerði fimm mörk. Viktor Jónsson gerði fernu í toppslagnum gegn Aftureldingu. Boltinn sogaðist að honum í teignum og hann nýtti sín tækifæri afar vel. Viktor er núna í öðru sæti yfir markahæstu leikmenn deildarinnar með 13 mörk en hann hefur ekki skorað svona mörk deildarmörk á einu tímabili frá því hann skoraði 22 mörk í 21 leik með Þrótti Reykjavík fyrir fimm árum síðan.



Ásamt Viktori þá eru Steinar Þorsteinsson og Hlynur Sævar Jónsson frá ÍA í úrvalsliði umferðarinnar. Steinar er í liðinu í sjötta sinn í sumar. Jón Þór Hauksson er þá þjálfari umferðarinnar.

Selfoss vann geggjaðan útisigur á Fjölni og þar var Guðmundur Tyrfingsson maður leiksins en Ingvi Rafn Óskarsson átti líka mjög góðan leik.

Gustav Kjeldsen og Fatai Gbadamosi voru þá bestir þegar Vestri spilaði sinn besta leik á tímabilinu og vann 3-0 sigur gegn Gróttu. Rafel Broetto átti líka góðan leik í marki Vestra.

Framherjarnir Oumar Diouck og Rafael Victor voru bestir í sigri Njarðvíkur gegn Grindavíkur og þá var Hjalti Sigurðsson maður leiksins í sigri Leiknis á Þrótti.

Lið umferðarinnar:
13. umferð - Elmar Kári Enesson Cogic (Afturelding)
12. umferð - Daníel Finns Matthíasson (Leiknir)
10. umferð - Þorsteinn Aron Antonsson (Selfoss)
9. umferð - Elmar Kári Cogic (Afturelding)
8. umferð - Símon Logi Thasapong (Grindavík)
7. umferð - Arnór Gauti Ragnarsson (Afturelding)
6. umferð - Aron Elí Sævarsson (Afturelding)
5. umferð - Sigurjón Daði Harðarson (Fjölnir)
4. umferð - Axel Freyr Harðarson (Fjölnir)
3. umferð - Sam Hewson (Þróttur)
2. umferð - Valdimar Jóhannsson (Selfoss)
1. umferð - Guðjón Pétur Lýðsson (Grindavík)