Björn Daníel í leiknum í kvöld.
,,Við byrjuðum ekkert sérstaklega vel og fengum á okkur víti eftir klaufagang. En við náðum svo að jafna og komum sterkir til leiks í seinni hálfleik og kláruðum þetta sannfærandi," sagði Björn Daníel Sverrisson leikmaður FH eftir 1-4 sigur á Stjörnunni í kvöld en hvað var að fyrsta hálftímann sem FH liðið gat ekkert?
,,Við getum alveg afsakað okkur með því að við höfum verið að spila á gervigrasi og allt það en ég veit það ekki. Við sýndum bara karakter og kláruðum leikinn sem er bara gott mál."
,,Við ætluðum alltaf að vinna þennan leik og við gerðum það. Núna unnu bæði Breiðablik og ÍBV og við þurfum bara að vonast eftir einhverju góðu fyrir okkur í næstu umferð. Við erum klárlega í séns ef við vinnum okkar leiki. Við þurfum ekki nema að þeir tapi leik, bæði lið, þá erum við komnir í efsta sætið. Það er allt mögulegt ennþá."
Björn Daníel var besti maður vallarins í kvöld og átti þátt í þremur fyrstu mörkunum. Var hann ekki ánægður með sína frammistöðu?
,,Jújú, ég spilaði vel og er ánægður. Ég er búinn að skora núna í tveimur síðustu leikjum og er mjög sáttur við minn leik," sagði hann en Björn Daníel lagði upp annað mark FH fyrir Matthías Vilhjálmsson með hælsendingu upp í loftið. Hvað gekk á þarna?
,,Það kom sending innfyrir og ég náði ekki alveg að taka hann með mér. Þá heyrði ég Matta kalla, 'Bjössi, afturfyrir þig', ég ákvað að taka hann á hælinn og þetta endaði svona. Þetta var bara mjög skemmtilegt."
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
