Davíð Snær: Tilfinningin er bara ömurleg

„Tilfinningin er bara ömurleg. Þetta var svakalegur leikur náttúrulega og við komum til baka tvisvar mjög hratt. Svo fáum við þetta mark á okkur í uppbótartíma mjög snemma og þá geta þeir bara lokað leiknum. Þetta er 50-50 hefði getað dottið hjá okkur eða hjá þeim, þetta datt hjá þeim í dag og þeir eiga það bara skilið."

FH jafnar leikinn á lokamínútum venjulegs leiktíma á svakalega dramatískan hátt.

„Þá heldur bara leikurinn áfram skiluru, það þýðir ekkert að fara eitthvað rosa hátt með það. Við fórum bara með þetta í framlengingu og þetta var bara geggjað mark hjá Ásta svo þurftum við að fylgja því eftir en við fylgdum því ekki eftir í dag því miður."

Það voru bara liðnar 18 sekúndur af framlengingu þegar Víkingar komast yfir. Var FH liðið bara sofandi?

„Ég á bara eftir að skoða þetta aftur, já ég veit það ekki."

FH er í fallbaráttu í deildinni og þá verður einbeitingin að færast þangað.

„Já já að sjálfsögðu það er verðugt verkefni að halda okkur uppi og við leggjum allt í það"

Viðtalið má sjá í heild sinni í spilaranum hér fyrir ofan.

Davíð Snær var sá eini sem mætti í viðtal frá FH eftir leikinn en þjálfarar liðsins komu ekki eftir að óskað hafði verið eftir því.