„Þetta er síðasta ár mitt hjá Bayern. Þetta hafa verið falleg tíu ár en núna er tími kominn til að fara," sagði Robben.

Hollendingurinn hefur sjö sinnum orðið þýskur meistari með Bayern en hann hefur skorað 143 mörk í 305 leikjum með liðinu.

Franck Ribery gæti einnig farið frá Bayern næsta sumar en hann verður líka samningslaus þá.

Bayern hefur verið í basli í þýsku deildinni í vetur en liðið er níu stigum á eftir Borussia Dortmund sem er á toppnum.