Ingibjörg fyrir æfingu í dag.
„Við bíðum spenntar eftir þessum leik," segir Ingibjörg Sigurðardóttir, miðvörður íslenska landsliðsins, um verkefnið sem er framundan gegn Hollandi.
Landsliðið flaug út til Hollands í morgun og tók sína fyrstu æfingu fyrir stórleikinn á þriðjudaginn í blíðskaparveðri í kvöld.
Landsliðið flaug út til Hollands í morgun og tók sína fyrstu æfingu fyrir stórleikinn á þriðjudaginn í blíðskaparveðri í kvöld.
Sjá einnig:
Framundan er einn stærsti leikur í fótboltasögu Íslands
„Við vöknuðum snemma í morgun og fórum af stað. Maður tók góða lögn í flugvélinni og síðan var slappað af þegar komið var á hótelið. Við erum klárar í æfinguna."
Ingibjörg byrjaði gegn Hvíta-Rússlandi, en samkeppnin er mikil um stöðu miðvarðar. Hún var ánægð með að byrja þann leik.
„Maður vill alltaf spila og þannig gefur maður mest af sér inn í liðið. Það var mjög góð tilfinning. Auðvitað vona ég það (að hún haldi sæti sínu) en ég er ekki með neinar ákveðnar væntingar til þess. Ég tek því hlutverki sem ég fæ og vonandi verður það inn á vellinum. Annars gef ég það sem ég get af mér utan vallar."
Það eru margir góðir leikmenn í liði Hollands en stærsta nafnið er líklega Vivianne Miedema, sem spilar með Arsenal.
„Það er mjög spennandi verkefni. Við viljum allar spila svona leiki, á móti svona leikmönnum. Maður er alltaf að bíða eftir svona augnabliki," sagði Ingibjörg en allt viðtalið má sjá í spilaranum hér fyrir ofan.
Athugasemdir
